Sunna bloggar!

Nenni

Tue, 18 Mar 2008 07:21:57 GMT

þessu ekki lengur, læt ykkur vita ef mig skyndilega grípur bloggþörf.

Kallinn farinn

Fri, 29 Feb 2008 16:38:58 GMT

til Kína og ég stökk hér in sönní Íngland! Hann búinn að fljúga í rúma 2 tíma og er þá sennilega enn yfir Evrópu, greyin eiga því bara 9 tíma eftir :o

Strákarnir tóku þessu með stóískri ró, tóku það marg oft fram að þeir vilji fá pakka þegar hann kemur heim. Jú og Aron bað um dreka. :$

Það er margt á dagskránni á meðan hann er í burtu, mála ganginn niðri, láta Alla bróðir festa upp 3 ljós fyrir mig (úbbs, hann veit ekki af því..), fara í mat til Evu, passa Jake, fara í mat til Sally, 2x fótboltaæfing, sund, bókasafn og örugglega margt fleira. Held að engum eigi eftir að leiðast...

Já og það er komin könnun.

kv. Sunna, alein

Búin..

Thu, 21 Feb 2008 21:49:02 GMT

með skólann, tók heilann úr sambandi og ætla ekki að nota hann eftir nema brýna nauðsyn beri til.

kv. Sunna nuddari

roðn

Mon, 18 Feb 2008 21:00:34 GMT

:^)
Lenti í ekkert smá neyðarlegu í síðustu viku.

Eins og þið sennilega vitið lá Aron á sjúkrahúsi í tvo daga, en þegar ég fór með hann þangað vissi ég auðvitað ekkert að hann yrði lagður inn. Jújú hann var lagður inn og fluttur með hraði frá bráðamóttöku á barnadeild í einangrun. Loks þegar ég lét Ólaf vita um að við yrðum nóttina var Auðunn farinn að sofa og því ekki hægt að skjótast til okkar með náttföt og nauðsynjar.

Hey, get nú svo sem alveg sofið í gallabuxum og peysu eina nótt hugsaði ég, Ólafur kemur með heint í fyrramálið.

Nema hvað. Um kvöldið ælir Aron út sig og mig, já og eiginlega allt herbergið. Þá voru góð ráð dýr, ég strippaði mig niður á brók og haldara og fékk þennan fína sjúkrahússlopp hjá hjúkkunni, sem gerði nú ekkert meir en að ná niður á læri.

Við Aron sváfum svo sem ágætlega við malið í vélunum. Morguninn eftir vaknaði ég og mundi að ég hafði lagt kolólöglega fyrir utan Slysó og ef ég myndi ekki færa bílinn fyrir 8 fengi ég feita sekt (hef sko reynsluna...). Ég mátti því labba á stuttum náttslopp gegnum allt sjúkrahúsið, út á götu, skafa af bílnum, færa hann og inn aftur :^)

Held að allir sem sáu mig hafi hlegið...

Kv. Sunna á slopp

Ingveldur mín (2)

Tue, 12 Feb 2008 18:42:48 GMT

Til hamingju með drenginn sem kom í gær. Við bíðum spennt eftir að sjá myndir af kappanum, sem að sjálfsögðu verður kallaður Óli af okkur :!:

Knús frá UK

Ingveldur mín

Thu, 07 Feb 2008 11:32:01 GMT

Er farin að bíða eftir honum Óla, þú ferð kannski að drífa í þessu!

Krúttulegast ever!

Thu, 31 Jan 2008 09:40:24 GMT

Fórum út að labba á sunnudaginn fjölsk. sem er svo sem ekki til frásögu færandi. Á leiðinni frá verslunarmiðjunni og að elliheimilinu sáum við skrilljón ára gamla konu í kápu, með staf í annarri og lítinn Dominos kassa í hinni :!: Án efa það krúttlegasta ever.

Svona ætla ég að vera í ellinni.

Hvernig ætlar þú að vera?

kv. Sunna gamla

Greinilega

Sun, 27 Jan 2008 09:05:34 GMT

nokkrir búnir að fatta laumubloggarann. Sjáum hvað hann heldur þetta úti lengi! Tippa á út þennan mánuð, við sjáum til...

Hverjir eru á facebook? Ótrúlega gaman að hafa skráð sig þarna. Er búin að finna fullt af gömlum vinum og endurnýja kynnin við þá, þá vinnum um allan heim. Ótrúlega gaman. Mæli með að allir skrái sig.

Er að leggja lokahönd á öll verkefni í skólanum, trúi ekki að þetta sé að verða búið. Get ekki beðið. Þá ætla ég að njóta þess að nota heilann ekkert í nokkra mán. eða svo... Þarf reyndar kannski að leita mér að annarri vinnu, svona 9-5 vinnu eins og svo margir eru í. Sniðugt!

Jæja, prjóna...

kv. Sunna á facebook

Eru

Thu, 24 Jan 2008 10:08:12 GMT

virkilega svona fáir búnir að fatta laumubloggarann?

Ólafur kominn frá

Thu, 17 Jan 2008 10:43:08 GMT

Hollandi og ekki bólar á neinu barni ennþá, kannski spádómurinn rætist ekki!

Búið að rigna meira og minna síðan við komum frá Spáni, frekar fúlt. :( Hef því ekki farið eins oft út að hlaupa og planið var, fór samt í morgun - það var fínt. Söng á fullu með ipodinum, veit ekki hvað fólkið hélt sem heyrði í mér syngja Negro Jose með Páli Óskari!

Komin á fullt í skólanum aftur eftir frí. ER búin að fá 4 af 5 ritgerðum til baka, á eftir að fara í próf í kvöld og gera 2 skýrslur - þá fer þetta að verða búið. Samúðakveðjur til ykkar sem verðið á skólabekk eitthvað lengur... :!:

Þorgerður og hennar ,,hyski" koma frá Nottingham á lau. Það verður sennilega heljarinnar átveisla! Get ekki beðið... Þurfum líka oftast að blaðra heilan helling þannig að þetta verður voða gaman.

Jæja, kaffipása úr lærinu, kv. Sunna lærisneið

Helvítið hún Hugrún!

Sat, 12 Jan 2008 10:16:54 GMT

Sagði ég við manninn minn þegar við fórum að sofa í gær. Spádómurinn er að rætast. En fyrir þá sem ekki muna ákv. hún Hugga mín að skoða kaffibollana okkar Ólafs í sumar og nú er ýmislegt að rætast af því sem hún sagði.

Hún var þess fullviss um að Ólafur væri að fara til Kína, það er nú að koma upp úr kafinu að Ólafur er að fara í vikuferð til Kína með pabba sínum! (hún hefði getað valið eitthvað trúlegra land eins og Frakkland eða Þýskaland, eitthvað land sem væri meiri líkur á að Ólafur heimsækti...)

En það sem merkilegast er er nú frásögnin af barninu!!! Því galdrakonan Hugrún sá barn í mínum bolla en ekki Ólafs. Ég man það líka svo greinilega að hún sagði aldrei að ég yrði ófrísk heldur að ég héldi á barni og væri glöð með það.

Svona til að fyrirbyggja allan misskilning strax þá er ég ekki ófrísk og ekki á planinu að verða það, en samt er jafnvel barn í spilinu - einhverntíma :!: Barn sem ég verð þá ekki ófrísk af.

Ráðlegging frá mér: ef þið farið í kaffi til Huggu - trúið því sem hún segir um kaffibollann!

kv. Sunna ekki í Kína

Auðvitað

Tue, 08 Jan 2008 10:51:13 GMT

löngu komin heim. Kallinn farinn í vinnuna, ég búin að senda börnin í skólann og komin með skólabækur á hnén. Fussum svei!

kv. Sunna ekki á Spáni

Er enn..

Fri, 28 Dec 2007 20:56:47 GMT

á Spáni, bara kúl 8)

Veðrið búið að vera fínt. Haldaraveður stundum en stundum peysuveður 8) Ljúft... Á jóladag var fínt, fórum á ströndina og svo heim í hangikjötið. Bara ljúft... Ólafur sló í gegn á tæger skýlunni sinni. Vann frænku mína klárlega í athygliskeppninni 8)

Erum búin að versla smá, ekkert mikið þó. Smá dót fyrir strákana og brækur á kallinn 8|

Svo er búið að éta út í eitt... held ég taki heim með mér nokkur aukakíló 8| kannski 5 :!: Held að bjórinn hafi eitthvað með það að gera.... Ljúft.

Held samt að það sé nokkuð ljóst að næstu jól verð ég heima hjá mér.

Jæja, ætla að klára bjórin!

kv. Sunna á Spáni

ps. Sigga, hvar ertu?

Er..

Sat, 22 Dec 2007 15:59:17 GMT

á Spáni. Það er bara kúl!

Búin að fara í safari garð og til Guadalest. Kúl!

kv. Sunna á Spáni

Spánn!

Mon, 17 Dec 2007 13:58:14 GMT

Já á morgun og ótrúleg spenna. Trúi ekki að loks sé komið að þessu, erum bara búin að láta okkur hlakka til í heilt ár. 8)

Annars bara búin að vera veikindi hér á veikindi ofan, fyrst ég, svo Aron, síðan Auðunn. Vona að þeir verði báðir orðnir nógu hressir fyrir flugið á morgun.

Allar jólagjafir komnar til skila (vonandi, treystum á póstinn), kortin farin, húsið skreytt og kökurnar bakaðar. Nú mega jólin bara koma.

Held að það sé smá spennufall hjá mér núna, þar sem þetta er svona nærri. Er eitthvað ótrúlega þreytt núna og máttlaus, eins og ég sé að verða veik. Held þetta sé bara spennufall samt.

Jæja, drekka kaffi...

kv. Sunna á leið til Spánar :!: